ՆԱԽՆՅԱՑ ԽՈՀԱՆՈՑ Ancestor’s Kitchen ԹԱԹԽԱՆՆԵՐ
Սոնիա Թաշչյանը ներկայացնում է 3 հետաքրքրական ԹԱԹԽԱՆՆԵՐ, որոնք հիմա թվում են շռայլություն, տարօրինակ է հնչում, գիտեմ․ սակայն նախկինում նրանք եղել են առօրեական ուտեստներ․ երբ ուշադրություն դարձնենք բաղադրիչներին, կնկատենք, որ պարզ բաղադրիչները նրանք հավաքել են մոտակա անտառներից, պահել — պահեստավորել են օգտագործված միրգ — բանջարեղենի կուտերն ու սերմերը, չորացրել, բովել ու աղացել, ու արդյունքում, ստեղծվել են այս ուտեստները։
ԸՆԿՈՒՅԶՈՎ ԲԱԶՐԿԱՆԻ
Աղալ ընկույզը (նախկինում հավանգով փշրել են), խառնել մանր կտրատած սոխ ու սխտոր, համեմել ավելցնելով կարմիր ու սև պղպեղ, քիմիոն, անանուխ․ վրան ձեթ լցնել, հացը թաթախելով ճաշակել։
ԸՆԿՈՒՅԶՈՎ ԲԱԶՐԿԱՆԻ
ԿՊՉԱՈՒՆ
Լոլիկ մածուկ պատրաստելիս, լոլիկի մզվածքը չորացրել են արևի տակ ու պահեստավորել․ հետո հավանգով փշրել։
Աղալ լոլիկի չիրը, խառնել մանրացված ընկույզ, սոխ ու սխտոր, համեմունք․ վրան ձեթ լցնել, ճաշակել հացը թաթախելով։
ԿՊՉԱՈՒՆ
ԹԱԹԽՕՆ
Բովել ապա աղալ ձավար, սիսեռ, արևածաղկի և դդումի սերմեր, ընկուզեղեն, եգիպտացորեն։
Խառնել աղացած ծիթրոն, կարմիր և սև պղպեղ, քիմիոն, աղտոր, ևայլն․․․․
վրան ձեթ լցնել, ճաշակել հացը թաթախելով մեջը։
ԹԱԹԽՕՆ