ՀԱՅԱԳԻՏԱՐԱՆ ՀԱՅԱՍՏԱՆ

ԲԱՐԵԿԵՆԴԱՆ ՕՐԵՐ Է, ԽԵԼՔՍ ԳԼԽԵՍ ԿՈՐԵՐ Է ․․․

ԲԱՐԵԿԵՆԴԱՆ ՕՐԵՐ Է, ԽԵԼՔՍ ԳԼԽԵՍ ԿՈՐԵՐ Է ․․․

«Փետրվարի 9-ին «Նարեկացի» արվեստի միության «Արվեստանոց» ուսուցողական ծրագրի շրջանակներում տեղի ունեցավ Բարեկենդանի տոնը, 6-14 տարեկան երեխաները և պատանիները վայելեցին բարեկենդանյան զվարճալի մթնոլորտը։ Տոնը համեմված էր Բարեկենդանին հատուկ զվարճախաղերով, երգ ու պարով, թատերական ներկայացումով։ Փոքրիկներին գեղեցիկ և անմոռանալի օր պարգևեց Ռուդիկ Հարոյանի անվան «Մասունք» ավանդական երգի-պարի համույթը:

Բարեկենդանը սիրված, սպասված խրախճանքի ու զվարճանքի տոն է` առատ տարբեր տեսակի ուտեստներով ու խմիչքով, զվարճախաղերով, երգ ու պարով, թատերական ներկայացումներով, ծաղրի հասնող կատակներով:

ժողովրդական ամենաերջանկաբեր այս տոնը հայ ժողովրդի կողմից ընկալվում է որպես ամենաազգային տոն և հաճախ կոչվում է նաև Հայոց ազգի օրեր. «Եկան հայոց ազգին օրերը, հանեցե՛ք հիները, հագե՛ք նորերը»:

Այն նշվում է Սուրբ Սարգսի տոնից մինչև Մեծ պասն ընկած ժամանակաշրջանում (ընդհանուր առմամբ՝ 2 շաբաթ), իսկ Բուն Բարեկենդանը Մեծ պասին նախորդող շաբաթ և կիրակի օրերին է:

Բարեկենդանը խորհրդանշում է բնության զարթոնքը և գարնան, նոր կյանքի սկիզբը:

Փետրվարի 9, 2018թ․

ԲԱՐԵԿԵՆԴԱՆՅԱՆ ԶՎԱՐՃԱԼԻ ՏՈՆԱԽՄԲՈՒԹՅՈՒՆ

ԲՈՒՆ ԲԱՐԵԿԵՆԴԱՆ

Բարեկենդան օրեր է, խելքս գլխես կորեր է…